Տնօրենի ուղերձը

Սիրելի  հայրենակից 

   Պատիվ ունեմ  ողջունելու Ձեզ   <<Գավառի  բժշկական  կենտրոն>> ՓԲԸ   պաշտոնական  կայքում: Իրավամբ  մեր Կենտրոնը  Գեղարքունիքի   մարզի  առաջատար  բուժհաստատություններից  է,  որտեղ  մատուցվում են  բարձրորակ  բժշկական  ծառայություններ:

    Մեր   առաքելությունն է  մատուցել  որակյալ, հասանելի  և  մատչելի   հիվանդանոցային,  արտահիվանդանոցային  և շտապ  բուժօգնության  ծառայություններ: Բժշկական  ծառայությունների   որակը,  փորձառու  բժիշկների  հեղինակությունը,  ժամանակակից  սարքավորումները  և շենքային  պայմանները   հանդիսանում են  <<Գավառի բժշկական կենտրոն>> ՓԲԸ  մրցունակ  և  գրավիչ  լինելու  գրավականը:

   <<Գավառի  բժշկական կենտրոն>> ՓԲԸ ղեկավար  անձնակազմն   առաջնորդվում է   հետևյալ չորս  հիմնական  սկզբմունքներով`

1. Բժշկի պատիվը բարձրագույն  արժեք է : Ցանկացած  որոշում  պետք է  բխի  բժշկի  արժանապատիվ   աշխատանքային   պայմանների  ապահովման  սկզբմունքից և ստեղծի  այնպիսի  միջավայր,  որը  թույլ   է   տալիս  բժշկին  զարգանալ  և կատարել  իր մասնագիտական    պարտականությունները  լավագույն  կերպով:

2.Հաճախորդ` պացիենտի  փոխարեն: Ապահովելով  պացիենտի  կյանքի  որակի   լավացումը`  մենք   պետք է  հոգանք  նաև  նրա  հարմարավետության ,  անվտանգության   դրական  լիցքերի   և  լռյալության  մասին`  դիտելով  նրան  որպես  մեր  երկարաժամկետ  գործընկեր  հաճախորդ  և  ոչ միայն  որպես  պացիենտ:

3. Զարգացում  ամեն օր և  ամեն քայլի հետ:  Ամեն օր և  ամեն քայլի  հետ   Կենտրոնը  և թիմը  պետք է   զարգանան,  ցանկացած  որոշում  պետք է   ուղղված լինի  բացառապես   Կենտրոնի   պոտենցիալ   զարգացմանը   և  երկարաժամկետ,  կայուն  և մնայուն   արդյունքներին:

4.  Մեծ  համակարգի  կարևոր  անդամ:  Կենտրոնը  եղել   և  լինելու  է   Գեղարքունիքի  մարզի   առողջապահական  համակարգի   կարևոր  մասնիկը,  ուստի    ակտիվորեն   մասնակցում է   պետական   նախաձեռնություններին   և   շարունակելու  է   անմնացորդ  ծառայել  ՀՀ  պետական  շահին:

  Վստահաբար   երաշխավորում եմ,  որ  <<Գավառի  բժշկական  կենտրոն>>  ՓԲԸ  բուժանձնակազմի  և  բոլոր    աշխատակիցների կողմից  կարվի  հնարավորը`  պարգևելու   Ձեզ   առողջություն  և  բարձրացնելու    Ձեր  կյանքի   որակը`  ի  շահ   մեր  ազգի  բարգավաճմանը ,  ի  փառս  մեր   հայրենիքի:

Հարգանքով ` «Գավառի բժշկական կենտրոն» ՓԲԸ  տնօրեն

Գարիկ   Մարատի   Սողոմոնյան